الفرق في النقاط بقي تصااميم سااااااااااكت

نفاج المداد

ابوبكر عبدالله (بيكو)

✍��✍��✍��✍��؛✍��✍��✍��
الفرق في النقاط بقي تصااميم
سااااااااااكت .......
✍��✍��✍��؛✍��✍��✍��✍��

* كردنة قال عندو ستة تصاميم
هسه نقصن اتنين - وبقن اربعة

* القصة دي مهمة شديد ، ركزو معاي بس - الحاسي بي سخانة
ياخد ليهو عصير تبلدي بااارد !
التصاميم طلعت اربببببعة ساااكت
وارضية الملعب بقت زي صلعة استاذنا بابكر سلك ..
يعني ارضية اربببببييعة ساكت
والزوول الما حريف في السواقة
الشفاتة بقولو عليهو ارببييعة سااااكت ..
يعني بلاتشي ده طلع اربببعة سااااكت
ومكسم من الانبراش بقي يمشي علي ارببببيعة سااااكت ..
ومحمد عبدالماجد طالب الكاردينال
يسجل امير كمال ولو يدفع
فوقو اررررربعة مليار -
حماااادة ، طلع بيرمي الودع
وحسو الفني ما (دق الدلجة)
كان متوقع النتيجة دي من زمان
برااااااااافوووو يا حمااااادة ...

* نرجع لي حكاية التصااااميم
في نااس قايلة كردنة ده اررربعة
الزووول ده يا ناس ما تظلموهو
ساااي - التصاميم دي ستة ،،
واهدااف المبارة كانن ستة -
الارررربعة طلع الملعب ارررربعة
والكشافات ارررررربعة
والرايات ارررررربعة
والصواميل اررررررربعة
وجوهرة الكاردينال اررررربعة
لكن بس كردنة ماااا ارررربعة !!

* من اسباب هزيمة الوصيف داخل المعبرة -
انو النجيلة كانت متوشحة بي شعار الزعيم صفراااااااااااء !
وقسم خالد قال (من رابع المستحيلات خسارة الهلال) -
وبما انو قسم ما قال من سادس المستحيلات علي عدد التصاميم
مفروض تحمدو ربكم -
الحس الفني لي اعلام الوصيف خطييير ...
ومن اهم الاسباب ،  هو انو بكري العقرب
قدم اعتذار للمجلس والجمهور
متزامن مع تحدي الديسكو -

وطبعا معرووف انو بكري اختار
الرقم 4 - غايتو يا بكوووور
وريني رقم واحد مالو ؟!
في داعي تقدم اعتذار وانت لابس رقم اررررربعة !!
قصدك شنو مثلا ؟!
بالمناسبة عقرووب ذاتو سرعته 4G
شفتوووو كيف ؟

* قالو ليك من زمن كردنة وزع التابات - سرعة النت بقت 4G
لكن حزم البيانات بتاعة شيبولا ما كويسة -
شغال يلف ويلف ويلف - وفي النهاية لا توجد شبكة ...
وبششة يقوم ويقع - طلع لابس اررررربعة ....
وبلاتشي طلع ما فاااهم شي !!

* غايتو لو كان كردنة نفذ تصاميمه الستة - كان الضحك شرطكم !
فحقو تعملو اعتصام في النادي
عشان يقيف ليكم علي الاررربعة تصاميم دي !
معقووولة بس ! الجوهرة تبقي مسخرة ؟!
اطرف حاجة انو لعيبة التبلدي كل
واحد يجيب هدف يرفض الاحتفال-
علي اساس انهم لعيبة سابقين في نادي الوصيف ..
زي لمن تكون عندكم عرس وجيرانكم عندهم بكااء -

* لكن الديسكووو بااااالغ - ديسكو بالربع دي ما شفناها الا عندك يا ابراهومة ،،
معقووولة بس -
زمااان اتسببت في خسارة الناس ديل من مازمبي خمسسسة -
لمن سحبت سفاري وخليت الفريق النيجيري يتعادل -
عمليتك دي حقيقي خوور واررررربعة كمان !
تخليهم يشربووو عصير الديسكو ،
وبالتبلدي كمااااان ...

* وياااا محمد عبدالماجد قلت لي شيبوب (الكج) كيف ؟
القال ليكم منو تلعبيهو ؟
هسة الفلهمة ليكم شنو ؟
الكنبة دي عيبوها لي ؟!!!
ماااله مثلا ؟!
جمعة جي طارو
ده لمن نسينا انو في الكشف
قااااعد فيها ؟!
ونيمار راااح مرقة في شمار !
شيبوب ده نط سااااي
وداااكم الخوووور !
بالله من نزلوهو الملعب
والاهداف علي (اربع) من يشيل !
تسجلو الكووووسة
وتفكووو فيصل مووسي ؟!
يدخل الكشف شيبووووب
وتفكو مهند الموهوووب ؟!
قالو ليك كردنة من ضمن تصاميمه
كتاب جديد اسموو !
شيبوب وشيبولا ،
والطرطشة بي اصووولة ...
الغلاف فوقو صورة (حاحا)
وقدامووو طبلة ...
والمقدمة من كلمات المنسقة !
ويااااا فداسي كان قلبي حاسي ..
تقووول لي قسم رااااابع ..

* وياااا حبيبنا هيثم كااابو ادينا رأيك في (دويتو) بتاع حس فني
بين العملاقين (قسم رااابع وندي القلعة) ، كلاهما يتوقع النتائج قبل حدوثها -
زمان كان في الاخطبوط (بول)
وحاليا عندنا
الأخطبوط (قسم راااابع) !!
والنقاااط .. بدت تنقط
والفرق بقي تصاميم سااااكت !!!

وبكرة بنجيكم تاني .....