معجزااااات شيبووب .

نفاج المداد

ابوبكر عبدالله (بيكو)

معجزااااات شيبووب ...

* شيبوب ده ذاتو الكلام عنه ما بخلص !!
اي كلام تقوله ، كانك ما قلت حاجة ، نقطة في بحر (اربعة)
زول كورته (ارربعة) ! ينتهي كيف ؟
* محمد عبدالماجد قال :
شيبوب نط من الطاابق (الرابع)
وانو اي لاعب ما يقدر ينط من
الطابق (الرابع) ما بنفع معاهم -
لياقة اللاعب بعرفوها كده !
* هسه نحن يااا داب عرفنا لياقة الهلال تعبانة لي شنو ؟
اكيد لانو مضرووب بالهدف (الرابع) -
والعامل المشترك بين الضربة والنطة ، هو شيبوووب !!
نزوول شيبوب ، خلي الوصيف مضروب ...
الود طلع بتاع (مرابيع) ونحن ما عارفين ولا شنو ؟

* طبعا من معجزات شيبوب -
انو سافر جوبا ونط من الطابق الرابع ، ووصل السودان ، وسافر مصر ، ومنها مشي تونس ، واتسجل في شبيبة القيروان -
والحاجات دي كووولها عملها وهو لابس - نفس اللبسة !
قاااشر بيها (ارررربعة) دول !
بااااالغت يا شيبوب (اررربعة)
دول بي لبسة واحدة (ولبسة كورة كمان) - انت قايل نفسك كابتن ماجد (بتاع مسلسل الاطفال) ولا شنووووو ؟
بالله تقووول (قلم نجار) بس ...
دي طبعا معجزة ما بيعملة الا شيبوب !

* ناس الوصيف ذاتم ما عارفين المطرة صابة وين ؟
سمعو ليك (عبرت ما عبرت) - قايلين (قبة شيبوب) تحتها كوفي !
والقبة طلعت تحتها (اررربعة) مسامير ....

* سمعنا بي لاعب من ينزل ارض الملعب يغير مجريات المباراة لصالح فريقة!
لكن لاعب ينزل الميدان وفريقة غالب - يقوم ينضرب (اررربعة)
دي ما شفناها الا مع شيبوب !
كج ياااااا عمممممممممك -
ودي طبعا برضو من معجزاتة - ان يعمل علي تحويل النتيجة عكسيا ضد فريقة !
علممممم يااااا عممممممممك
ودي معجزة ما بيعملة الا شيبوب!

* المشكلة ناس الهلال لسة عايشين علي وهمة (عبرت ما عبرت) ونحن اساسا كنا عارفنها (عبرت) - ااي كلنا شفناها (عبرت) - ومعترفين انها (عبرت) لكن الزيكم ديل لازم يخلوهم يستلمو (الكج) كدة !
يدفعو فوقه مليارات !
ويتصورو معاهو بالدولار !
نظاام حركات البوبار !
وبحسب النظام الجديد
بدل يلبسوووك العمة
الزمن ده بلبسوك الكسكتة
الزمن اتغير يااااخ !!
هسة الشفوت ناس المريخ
لبسو ليك الوصيف الكسكتة ..
وتتشطب بي عرق العافية يا (صفراب) !

* قسم (رابع) قال ؛
نرفع (القبعة) احتراما لي ابراهومة !
غايتو بحذركم كان رفعتو (القبعة)
الا يبقي رئيسكم الرشيد علي عمر ! ما عندكم طريقة تاني -
بتكون (كسكتة) وطااااارت ...

* قالو ليك كردنة من سمع بي جمال الوالي رجع المريخ -
الكسكتة طااااارت !
والقوة المالية الضاربة في البلد
دي طااااارت !
وطوالي مشي صالح البرير -
وفطومة اعتذرت للبرير -
طبعا الناس كلها استغربت
الا الشفووووووت كانو عارفين
البرير عندو خبرة في (الجنتلمان)-
عايزين يستفيدو منها !
جمال الوالي الا توقفو بي (اتفاقية) !
الزووول ده صعب شديييد !
اسألو البرير -
زول لا بطلع في الاعلام !
ولا بيصرح بي حاجة !
زي الدواااعش !
الا تسمع بي (انفجار)
في الاخبار !
بكتمة فيك عادي - ويخلي ريحتك
عقروووب عقرووووب ....
اتصال من جمال الوالي بي لاعب
اخطر من اتصال اردوغان بالشعب
التركي !

* نرجع لي شيبوب - والود عامل فوقة نجم -
صحي الطشاش في بلد العمي شوف !
الحكم رافع التغيير وهو بربط في (كدارتو) !
جمهور الوصيف - هسه بكون بقول اريتة كان ما اتربطت !
غايتو يا ونسي بارك الله فيك وكتر
خيرك فكيتنا من (الكج) ده !
ذااااتو ما بشبهنا ،، زول بنطط
ما بنفع معانا !!

* محمد عبدالماجد ده احلي زول اداكم النصيحة !
قال ليكم لو دي كورتكم احسن تشوفو جوهرتكم !
الواااضح ماااا فاااضح !
كورتكم دي (لقيمات) ما بتأكلكم !
نمر من ورق ساااااااااكت !
هبووووب ولاعبه شيبووووب ...

وبنجيكم تاني ....