تقليد الوصيييف

ابوبكر عبدالله (بيكو)

تقليد  الوصيييف

تقليد (الوصيف) ،،، الاتوضع دستورو
من اسسنا ملعبنا ،،، المشعلل نورو
يوم جاد الزمان - مريخنا جاب شاخورو
جابو (البابا) - من بعدو المجيد منصورو

نبداها الحضارة ،،، ونحن ،، زي العيييد
مليانين شهامة ،،، احمرنا دم ،،  ووريد
يجو ناس الوصيف ،، الماركة في التقليد
يعملو (زيطة) ساي ،، تب لينا مافي نديد

جبنا الوالي - اسس لي طوابق القلعة
سوا الرد كاسل - جاب للوصيف الخلعة
كشافاتنا تضوي - ونوره عامي البقعة
معذور (اب رويس) - قرب تجيهو الصرعة

يوم جات الوفود - رغم الظروف الحاصلة
سوو استادنا ملعب - للمباراة الفاصلة
جمهور الوصيف - الكان ديارهم ناصلة
من الغيرة تب - قالولنا ايدكم وااااصلة

مفخرة الوطن ،،،، استادنا مافيش غيرو
آية من الجمال ، مو فاضي لي السان سيرو
احمر لون رهيب ،،، والوالي كتر خيرو
جهز رد كاسل ،،، والعقبة لي ناس زيرو

نور القلعة شالع ،،، وذااتو ميه المية
كشافات تبق ،،، بالليل تقول ضهرية
ناس جبل اولياء ،،، الليهم الف تحية
شاافو النملة تتضرع ،، هي في الردمية

كراسي المفخرة - البتضوي زي الماس
جابت لي (بلاتر) - ومنوو شلنا الكااس
جمهور الوصيف - يوم داك جفاهو نعااس
ناس راحو (التجاني) - الباقي فات كدباس

قلعة بلد رجال - المدفع الرشااش
جابت ناس ضقل - مافيها واحدا شاش
من زمن الدفينس - استووبر القشاش
والملعب شفوت - مليان نسيم ودعاش