نفاج المداد // ابوبكر عبدالله
ﺍﻟﻄﺮﺡ - ﻭﺍﻟﺸﺎﻻﺕ - ﻭﺍﻟﻤﻈﺎﻫﺮﺓ ﺍﻟﺸﻮﻓﻮﻧﻴﺔ ...
--------- ؛ ----------
* ﻣﻤﻜﻦ ﻋﺎﺩﻱ ﺗﻜﻮﻥ ﻓﻲ ﺯﺣﻤﻪ ﻣﻮﺍﺻﻼﺕ -
ﺗﺘﻘﻔﻮ ﺍﻧﺖ ﻭﺍﻟﺤﻮﻟﻴﻨﻚ ﺗﺸﻮﻓﻮ
ﺗﺎﻛﺴﻲ ( ﻃﺮﺣﻪ ) -
* ﻛﻞ ﺯﻭﻝ ﻳﺪﻓﻊ ﺟﺰﺀ - ﻭﺑﺪﻝ ﻳﺄﺟﺮ ﺍﻟﺘﺎﻛﺴﻲ
ﻭﺍﺍﺣﺪ
* ﻛﻠﻜﻢ ﺗﺮﻛﺒﻮ - ﻭﺩﻱ ﺑﺴﻤﻮﻫﺎ ( ﻃﺮﺣﻪ )
* ﻣﻤﻜﻦ ﻋﺮﺑﺔ ( ﺍﻟﻜﺎﺭﻭ ) - ﺗﻜﻮﻥ ﻃﺮﺣﺔ -
* ﻣﺮﺍﺕ ﺍﻻﺻﺤﺎﺏ ﺑﻌﻤﻠﻮ ﺷﻴﺮﻧﻖ ﻭﻳﻜﺮﺑﻮ
( ﻃﺮﺣﺔ ) - ﻳﻤﺸﻮ ﺷﺎﺭﻉ ﺍﻟﻨﻴﻞ ﺍﻭ ﺍﻱ ﻣﻜﺎﻥ
ﺗﺮﻓﻴﻬﻲ - ﻳﺸﺮﺑﻮ ﺷﺎﻱ ﺑﻲ ( ﻟﻘﻴﻤﺎﺕ ) -
ﻭﺍﻟﻠﻘﻴﻤﺎﺕ ﻓﻲ ﺍﻟﺒﺮﺩ ﺩﻩ ﻋﻨﺪﻫﺎ ( ﻃﻌﻢ ﺧﺎﺹ ) -
* ﺑﺲ ﻣﻦ ﺍﻟﻠﻪ ﺧﻠﻘﻨﻲ ﻣﺎ ﺷﻔﺖ ﻟﻲ ﺭﻛﺎﺏ -
ﺑﺨﻠﻮ ( ﺍﻟﻄﺮﺣﻪ ) ﻭﻳﺠﺮﻭ
ﻣﻦ ﻏﻴﺮ ﻳﺪﻓﻌﻮ ﺣﻘﻬﺎ -
* ﺍﻟﻨﺎﺱ ﺩﻱ ﻭﻛﺖ ﻣﺎ ﻗﺎﺩﺭﻳﻦ ﻳﺪﻓﻌﻮ ﺣﻖ
( ﺍﻟﻄﺮﺣﻪ ) - ﺍﻟﺸﻼﻗﻪ ﻟﻴﻬﻢ ﺷﻨﻮ؟
ﻣﺎ ﻳﻨﺘﻈﺮﻭ ﺍﻟﻤﻮﺍﺻﻼﺕ ﺯﻳﻬﻢ ﻭﺯﻱ ﺑﺎﻗﻲ ﺍﻟﻨﺎﺱ -
ﻣﻊ ﺛﻘﺎﻟﺔ ( ﺍﻟﻜﻤﺴﺎﺭﻱ ) ﻭﻳﻘﻴﻔﻮ ( ﺷﻤﺎﻋﺔ ) ..
* ﺍﻟﺠﻮﻃﻪ ﻓﻮﻕ ﺷﻨﻮ ؟ ﻣﻔﺮﻭﺽ ﺗﺤﺘﺮﻣﻮ ﻗﺎﻧﻮﻥ
( ﺍﻟﻤﻮﺍﺻﻼﺕ ) ﻓﻲ ﺍﻟﺒﻠﺪ ﺩﻱ -
ﻳﻌﻨﻲ ﺍﺫﺍ ﺭﺋﻴﺲ ﻫﻴﺌﺔ ﻧﻘﺎﺑﺔ ( ﺍﻟﻤﻮﺍﺻﻼﺕ )
ﺍﺻﺪﺭ ﻗﺎﻧﻮﻥ - ﻭﻗﺎﻝ ﺍﻟﻨﺎﺱ ﺗﻤﺸﻲ ﻟﻲ ( ﺷﺮﻭﻧﻲ )
- ﻃﻮﺍﻟﻲ ﺍﻟﻨﺎﺱ ﺗﻤﺸﻲ ﻟﻲ ( ﺷﺮﻭﻧﻲ ) !
* ﻳﺎ ﺗﺤﺘﺮﻡ ﺍﻟﻘﺎﻧﻮﻥ ﻭﺗﻨﺼﺎﻉ ﻟﻴﻬﻮ ! ﺍﻭ ﺗﺒﻘﻲ
ﻗﺪﺭ ( ﺍﻟﻄﺮﺣﺔ ) -
ﻟﻜﻦ ﺗﺨﻠﻴﻬﺎ - ﻭﺗﺠﺮﻱ - ﺩﻩ ﻋﻴﺐ ﻛﺒﻴﺮ ..
* ﺣﺘﻲ ( ﺍﻟﺸﺎﻝ ) - ﻻﺯﻡ ﺗﺒﻘﻲ ﻗﺪﺭﻭ !
ﻳﻌﻨﻲ ﺑﺪﻝ ﻳﺘﺰﻟﻖ ﻣﻦ ﻛﺘﻔﻚ - ﻟﻔﻮ ﻓﻲ ﺭﻗﺒﺘﻚ
-
* ﻋﺸﺎﻥ ﻟﻮ ﺧﻠﻌﻚ ( ﻛﻠﺐ ) ﺳﺎﻱ - ﻣﺎ ﻳﻘﻊ ﻣﻨﻚ
ﻭﺍﻧﺖ ﺟﺎﺭﻱ -
ﺍﻟﺠﺮﻱ ﺫﺍﺗﻮ ﻋﻨﺪ ﺍﻟﺮﺟﺎﻝ ﻋﻴﺐ ( ﺍﻫﻠﻨﺎ ﻗﺎﻟﻮ ﻟﻴﻨﺎ
ﻛﺪﻩ ) -
* ﻳﻌﻨﻲ ﻟﻮ ﺳﻮﻳﺖ - ﺍﻟﻐﻠﻂ ﺍﺗﺤﻤﻞ ﻭﺍﺑﻘﻲ ﺭﺍﺟﻞ
ﻭﺍﺭﻛﺰ - ﻣﺶ ﺗﺠﺮﻱ ﻭﺗﺨﻠﻲ ( ﺷﺎﻟﻚ ) ﻭﺭﺍﻙ -
* ﺍﺣﺘﺮﻣﻮ ﺍﻟﺠﻼﻟﻴﺐ - ﻭﺍﺑﻘﻮ ﻗﺪﺭﻫﺎ -
ﺍﻭ ﺍﻟﺒﺴﻮ ( ﻛﺴﻜﺘﻪ ) ﻭﺍﻟﺰﻣﻮ ﺩﺍﺭﻛﻢ -
* ﻭﻋﻠﻲ ﻗﻮﻝ ﺍﻷﺳﺘﺎﺫ ﺑﺎﺑﻜﺮ ﺳﻠﻚ - ﺍﻳﻬﺎ ﺍﻟﻨﺎﺱ
ﻣﺎ ﻓﻌﻠﺘﻪ ﺟﻤﺎﻫﻴﺮ ﺍﻟﻮﺻﻴﻒ ﺑﺎﻻﻣﺲ ﺍﻣﺎﻡ ﻣﺒﺎﻧﻲ
ﺍﻻﺗﺤﺎﺩ -
ﻳﻔﺴﺮ ﻣﻌﻨﻲ ( ﺍﻟﻀﻞ ) ﺍﻟﺤﻘﻴﻘﻲ -
* ﻻﻥ ﺟﻤﺎﻫﻴﺮ ﺍﻟﺰﻋﻴﻢ ﻓﻌﻠﺘﻪ ﺑﻜﻞ ﺍﺩﺏ
ﻭﺍﺣﺘﺮﺍﻡ - ﻭﻟﻢ ﺗﺨﻞ ﺑﺎﻻﺩﺏ ﺍﻟﻌﺎﻡ - ﻭﺗﻌﺎﻣﻠﺖ
ﻭﻓﻖ ﺣﻘﻬﺎ ﺍﻟﻤﺸﺮﻭﻉ -
ﺣﺘﻲ ﻋﻨﺪﻣﺎ ﺍﺗﺖ ﺍﻟﺸﺮﻃﻪ - ﻟﻢ ﻳﻬﺮﺑﻮ ﺍﻣﺎﻣﻬﺎ -
ﺑﻞ ﻧﻔﺬﻭ ﺍﻟﺘﻌﻠﻴﻤﺎﺕ ﻭﺍﻧﺼﺎﻋﻮ ﻟﻠﻘﺎﻧﻮﻥ - ﺣﺘﻲ
ﺗﻢ ﺍﻃﻼﻕ ﺻﺮﺍﺣﻬﻢ ﺑﻜﻞ ﻛﺒﺮﻳﺎﺀ ﻭﻛﺮﺍﻣﻪ ﻭﻓﺨﺮ
-
* ﺍﻣﺎ ﻣﺎ ﺣﺪﺙ ﺑﺎﻻﻣﺲ - ﻣﻦ ﻓﻮﺿﻲ - ﻭﻣﻬﺎﺟﻤﻪ
ﻟﻤﻨﺴﻮﺑﻲ ﺍﻟﺼﺤﻒ - ﻻﺑﺪ ﺍﻥ ﻳﺠﺪ ﺍﻟﻌﻘﺎﺏ
ﺍﻟﺮﺍﺩﻉ ﺣﺘﻲ ﻻ ﺗﺘﻜﺮﺭ ﻫﺬﻩ ﺍﻻﺣﺪﺍﺙ ﺍﻟﻤﺆﺳﻔﺔ -
ﻓﻼ ﻛﺒﻴﺮ ﻋﻠﻲ ﺍﻟﻘﺎﻧﻮﻥ ..
* ﺍﻟﻤﻈﺎﻫﺮ ﺍﻟﻤﻠﻴﻮﻧﻴﺔ ( ﻃﻠﻌﺖ ﺷﻮﻓﻮﻧﻴﺔ ) - ﻗﺎﻡ
ﺑﻬﺎ ﺑﻌﺾ ﺍﻟﻔﻮﺿﻮﻳﻮﻥ - ﺍﻟﻤﻐﺒﺸﻴﻦ ﺍﻣﺎﻡ ﻣﺒﺎﻧﻲ
ﺍﻻﺗﺤﺎﺩ - ﻇﻨﺎ ﻣﻨﻬﻢ ﺍﻧﻬﻢ ﺑﻬﺬﻩ ﺍﻻﻓﻌﺎﻝ
ﺍﻟﺼﺒﻴﺎﻧﻴﺔ ﺳﻴﻐﻴﺮﻭﻥ ﻣﺠﺮﻱ ﺍﻟﻘﺎﻧﻮﻥ -
ﻭﺳﻴﺮﻫﺒﻮﻥ ﺍﻻﺗﺤﺎﺩ ﻭﺍﻟﺪﻭﻟﺔ ..
* ﻓﻬﺮﺑﻮ ﺍﻣﺎﻡ ﺍﻭﻝ ﺳﻴﺎﺭﺓ ﺷﺮﻃﺔ ..
* ﺍﻣﺎ ﺍﻟﺒﻴﺎﻥ ﺍﻟﺬﻱ ﺧﺮﺝ ﺑﺎﻻﻣﺲ ﺑﺎﺳﻢ ﺍﻟﻬﻼﻝ -
ﻻ ﻳﺴﺎﻭﻱ ﺛﻤﻦ ﺍﻟﺤﺒﺮ ﺍﻟﺬﻱ ﻛﺘﺐ ﺑﻪ -
ﻣﺠﺮﺩ ﻋﺒﺎﺭﺍﺕ ﻓﻀﻔﺎﺿﻪ ﻭﺣﻤﺎﺳﻴﺔ - ﻭﻏﻴﺮ
ﻭﺍﻗﻌﻴﺔ -
ﻓﻮﺻﻒ ﺍﻟﻬﻼﻝ ﺑﺎﻧﻪ ﻣﻦ ﺍﻋﺮﻕ ﺍﻟﻔﺮﻕ ﺍﻟﺴﻮﺩﺍﻧﻴﺔ
- ﻓﻴﻪ ﺗﺠﻨﻲ ﻋﻠﻲ ﺍﻟﺘﺎﺭﻳﺦ ﺍﻟﺮﻳﺎﺿﻲ ﻭﺍﻟﺤﻘﺎﺋﻖ -
ﻓﻤﻌﺮﻭﻑ ﺍﻥ ﺍﻻﻋﺮﻕ ﻫﻮ ﻧﺎﺩﻱ ﺍﻟﻤﺮﻳﺦ ﺍﻟﺴﻮﺩﺍﻧﻲ
-
ﺍﻣﺎ ﺍﻟﺘﻠﻤﻴﺢ ﺑﺎﻥ ﺍﻟﻤﺮﻳﺦ ﻫﻮ ﺍﻟﻔﺮﻳﻖ ﺍﻟﻤﺪﻟﻞ -
ﻓﻬﻮ ﺩﻟﻴﻞ ﻋﻠﻲ ﺍﻥ ﻛﺎﺗﺐ ﺍﻟﺒﻴﺎﻥ - ﻳﻌﺸﻖ ﻛﺘﺎﺑﺎﺕ
ﺍﻻﻋﻼﻡ ﺍﻻﺣﻤﺮ ﻭﻳﺪﺍﻭﻡ ﻋﻠﻴﻬﺎ -
ﻻﻥ ﺍﻻﻋﻼﻡ ﻳﻄﻠﻘﻬﺎ ﻋﻠﻲ ﻓﺮﻳﻖ ﺍﻟﺤﻜﺎﻡ ﺍﻟﻤﺪﻟﻞ
- ( ﻭﻛﻠﻨﺎ ﻋﺎﺭﻓﻨﻮ ) -
* ﻭﻣﻦ ﻋﺠﺎﻳﺐ ﺍﻟﺒﻴﺎﻥ - ﺍﻟﻘﻮﻝ ﺍﻥ ﺍﻟﻬﻼﻝ ﻫﻮ
ﺍﻟﺒﻄﻞ ﺍﻟﺤﻘﻴﻘﻲ ﻻﻧﻪ ﻟﻢ ﻳﺨﺴﺮ ﻓﻲ ﺍﻟﺪﻭﺭﻱ
ﺣﺘﻲ ﺍﻻﻥ - ﻋﻠﻤﺎ ﺑﺄﻥ ﺍﻟﺰﻋﻴﻢ ﺍﻟﻤﻮﺳﻢ ﺍﻟﺴﺎﺑﻖ
ﺑﺮﻏﻢ ﺍﻧﻪ ﺍﻟﻔﺮﻳﻖ ﺍﻟﻮﺣﻴﺪ ﺍﻟﺬﻱ ﻟﻢ ﻳﺨﺴﺮ
ﺣﺘﻲ ﻧﻬﺎﻳﺔ ﺍﻟﺪﻭﺭﻱ - ﺍﻻ ﺍﻧﻪ ﺧﺴﺮ ﺍﻟﺒﻄﻮﻟﺔ
( ﺑﻔﻌﻞ ﻓﺎﻋﻞ ) - ﻭﻣﻊ ﺫﻟﻚ ﺍﺧﺘﺮﻡ ﺍﻟﻘﺎﻧﻮﻥ -
ﻭﻟﻮ ﺩﻩ ﻓﻬﻤﻜﻢ - ﺍﺩﻭﻧﺎ ﻛﺎﺳﻨﺎ ﺑﺘﺎﻉ ﺍﻟﻤﻮﺳﻢ
ﺍﻟﺴﺎﺑﻖ ﻫﺴﺴﻪ ﺩﻱ ...
* ﻭﻛﺎﻟﻌﺎﺩﺓ ﺍﻛﺜﺮ ﺍﻟﺒﻴﺎﻥ ﻣﻦ ﻟﻐﺔ ( ﺍﻟﺘﺴﻮﻳﻒ ) -
ﻭﺍﻟﺘﻬﺪﻳﺪ - ﻟﻢ ﻧﺮﻱ ﺟﺪﻳﺪﺍ ..
ﻧﻘﻄﺔ ﺍﺧﻴﺮﺓ :
- ﻳﺎ ﻟﺠﻨﺔ ( ﺍﻟﺘﺴﻴﻴﺮ ) ﻋﻮﺳﻮ ﻋﻮﺍﺳﺘﻜﻢ
ﻭﺧﺎﺭﺟﻮﻧﺎ ﺳﺮﻳﻊ
تعليقات
إرسال تعليق