كان اخد مجراهوا البلد ما بتتطمبج

في السلك

بابكر سلك

*شفتوا شوارعنا لما المطره تجي ؟؟؟
*شفتوا الطمبجه البنعيش فيها لمن الخريف يفوت ؟؟؟
*طمبجه مشهوده
*حتي قادتنا يكفكفوا بناطلينهم ويتصوروا سيلفي مع الطمبجه
*قربوا يكتبوا لينا الان انا اتطمبج
*كأنو الطمبجه تاني ما بلقوها
*والخريف البعدو نفس الطمبجه
*اذا في تغيير بتغير من المشهد المسئول بس
*يجي في المشهد مسئول جديد
*برضك مكفكف لينا ويتصور سيلفي متطمبج ومكفكف
*لكن لو كان عندنا صرف وتصريف محترم
*السيل كان عرف حاجه
*وكان اخد مجراهو
*ولو اخد مجراهو البلد ما كانت اتطمبجت
*اصلو ما بجيب الطمبجه الا اذا ما اخد مجراهو
*لذا السيل ياخد مجراهو عشان ما نتطمبج
*ويبقي مافي مسئول حايخد لقطه سيلفي مكفكف مع الطمبجه
*والقانون ياخد مجراهو عشان ما نتطمبج
*ووقتها مافي كاوبوي حاياخد لقطة سيلفي بالكسكته
*واذا اصر الكاوبوي علي السيلفي
*صدقوني حاياخدها في الليق
*سلفي بالكسكته في الليق
*هات اجمل تعليق
*ايها الناس
*قول في الف رابطه
*قول في كلو رابطه عشره فرق
*يبقي عندنا عشره الف فريق
*قول في كلو فريق في تلتين لاعب
*يبقي عندنا كم لاعب روابط ؟؟؟
*عشره الف فريق في تلتين لاعب يساوي تلتمية الف لاعب
*تصدقوا الهلال اتصل بي اربعمية وخمسين الف لاعب رابطه من التلتميه الف العندنا !!!!
*يا شيخ فوزي
*ديل لو داير تسجلهم كلهم الكمبيوتر ما بشيلهم ليك
*يشيلهم كشف كيف ؟؟؟؟
*ولا احتمال تكونوا يا شيخ فوزي فكرتوا تعملوا اتحاد عام براكم وبي انديتو جاااااهز !!!!
*طيب ده تودوهوا وين ؟؟؟
*ده ماحقكم من بدري برضو
*الاتحاد الفيهو لجنة حكام تخطئ ولا تظلم ده
*الاتحاد المابعرف يقرأ برتغالي ده
*الاتحاد البسجل سيدي بيه كوطني اعتبار ما يكون ده
*الاتحاد البنسي تقرير الحكم اليوغندي الادار مباراتكم ضد الفريق النيجيري الوديه المعلنه ده
*الاتحاد ده
*اسي بقي ككا ؟؟؟؟؟
*ايها الناس
*مجلس ونسي ماشي صاح
*والعضويه تحتاج مراجعه دقيقه
*ودقيقه جدا
*ودقيقه اسي بجيكم
*رجعنا
*العضويه بالراس دي زمانها فات وغنايا مات
*دايرين العضويه ام راس
*لانو العضويه بالراس
*بتجيب ناس لو بقوا فاس ما بشقوا الراس
*دايرين عضويه ام راس
*تجيب ناس هينين علينا ولينين علينا وصعبين المراس
*لذا
*نراجع العضويه يا ونسي
*حرف حرف
*زول زول
*زنقه زنقه
*دار دار
*الخوف نطلع مواسير كتيره من جوه الماسوره الكبيره
*اها
*كلنا حول المجلس
*نتشاور
*وما خاب من استشار
*نشاور الجميع
*الاحياء منا والاموات
*كلهم لازم تشاورهم يا ونسي
*بالذات الاموت ديل
*الناس ديل قدموا الكتير جدا
*ورايهم مهم
*المهم
*قطاع المراحل السنيه شغال شغل صاح
*والشجره المثمره من هي شتله بتتعرف
*وما يشتله طارق المعتصم ورفاقه من قدامي اللاعبين
*يبشر بثمار حايكتر حولها الشمار
*الشفتو امس ده
*اداني امل كبير
*وطمني
*ايها الناس
*دائما في فترة الاحلال والابدال تكتر الاقتراحات
*ناس بيقولوا المريخ محتاج اطراف
*يمين وشمال
*وثيردباك وامير يمشي المحور
*وناس بقولوا المريخ محتاج مساك شمال
*وصانع لعب مهول ومهاجم مع بكري
*وناس بقولوا المريخ محتاج طرف شمال وثيردباك طويل وراس حربة موديل ايداهور مع بكري
*وفي ناس بقولوا المريخ داير مهاجم وطني وطرف شمال مستورد
*والناس تقول كلام
*وربك رب الخير يقول كلام
*لكن فيها ايه لو جبنا ثيردباك مصري اصلي
*نستفيد من مصرنتو
*وطرف شمال افريقي لمن غلط
*علي النعسان واولاد الرديف كفايه
*برضك رأي
*مجرد رأي
*هو الكلام بقروش !!!!
*لو الكلام بقروش كردنه كان فلس
*تفليسه كيف يا كردنه !!!!
*زابطه !!!!!
*ايها الناس
*كفانا طمبجة مواطن وسيلفي مسئول رغم انها مطينه علينا كمان يكفكف لينا
*الغريبه زمان في الشكله
*الزول اول حاجه بكفكف كم القميص
*حتي الشكله تبدأ
*وفي ناس بحجزوهم قبل الشكله
*تلقي الواحد حاجزنوا وهو بتكلم مع الزول المشاكلو من بعيد
*تكفكف لي انا ؟؟؟
*اصبر بوريك
*زمان الكفكفه كانت حقاره
*اسي الكفكفه بقت حضاره
*ويكفكفوا من كبارها
*المهم
*لازم ياخد مجراهو
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*ناس كتار بتكلموا فينا
*يحكوا بي حكاوينا
*وبضربوا بينا المثل كمان يا والينا
*ناس يقولوا ليك السودانيين كسلانين ومابشتغلوا لينا
*ناس يقولوا ليك جنهم يتكوا وهاك يا قصص يبوظوا الشغل علينا
*وناس بفخروا بينا
*وناس بفتكرونا جنينه
*لكن اجمل قصة سمعتها عننا وعجبتني يا والينا
*قالوا السوداني ما بعرس البحبها وما بحب مرتو
سلك كهربا
ننساك كيف والكلب ياخ ,,, بحب مرتو ونسابتو كمان….هو دي مابقولها قدامهم
والي لقاء
سلك