درون اهلي شندي ، والفرق التبلدي

�� ابوبكر عبدالله (بيكو)

غايتو درون ظريف ياخ احلي من المندي
تب جابو الوصيف من دار جعل ناس شندي
الفرق الحقيقي ،،،، وما حساب جربندي
بقي زي الرمال ،،،، بي اربعاتو تبلدي

درون فصل الخريف - الجانا بي نفحاتو
ابدع اهلي شندي - وياخي ذاتو حلاتوو
انبهر الوصيف - من جهجهة باااااكاتو
لا سادومبا بان - لا شفنا تسديداااتو

عاجبنا الدرون - الجابلو تاااااني نزيف
اخصم نقطتين - بالله ساااااي يا وصيف
فصل الصيف رحل - والجانا هسة خريف
والفرق القبيل - بقي حجوة في الارشيف

ان غاب الحكم - ماف كلمة تاني نقولا
بيغيب الوصيف - لا قوة ساي لا حولا
ننصح كاردينال - من غير حماس وبطولة
سجل للسمؤال - ياااااخ بدل شيبووولا

صحيفة الزعيم فخر البلد الالكترونية